Dette er Ryfoss
Eit lite sentrum som har alt. Det er kva Ryfoss kan skilte med, heilt sør i kommunen. Her finn du byggjefelt, sentrum, Joker-butikk, Jokerspace, treningssenter, bensinstasjon, frisør, diskgolf, ballbinge, Ryfossen og Utsikten. Den sentrale plasseringa mellom Jotunheimen og bygdebyen Fagernes gjer Ryfoss til ein attraktiv plass for mange.
Har du og resten av familien eit ynskje om å flytte til eit levande og inkluderande bygdesamfunn, omgjeve av storslått natur? Då kan dette vere moglegheita! Dei nye tomtene ligg i utvidinga av det eksisterande bustadfeltet.
AVSTANDAR:
Vang sentrum: 17,5 km Beitostølen: 27 km
Fagernes: 34 km Lærdal/Årdal: 79 km
Kvardag i Ryfoss
Midt i Valdres
Ryfoss betyr enkel tilgang til arbeidsmarknaden i heile øvre del av Valdres der du når både Fagernes, Vang sentrum, Heggenes, Beitostølen, Slidre og Røn med mellom 10 og 30 minutt køyring.
Tur og natur
Med elva rett forbi og flotte stigar i skog- og kulturlandskapet er Ryfoss midt i naturen. Med Ryfoss som utgangspunkt er du også i Jotunheimen, på Filefjell eller Beitostølen på ein halvtime. Stølsområda Syndin, Vaset og Slettefjell er endå nærare - opplevingane står i kø for den som likar å være ute.
Levande grend
Du finn matbutikk, kafé, bruktbutikk, bensinstasjon, frisør, tannlege og busshaldeplass i Ryfoss sentrum. I tillegg er det ballbinge, leikeplass, grillhytte og ein heilt eigen «Jokerspace», som ein kreativ samlings– og skaparplass for ungane i heile regionen.
Salg av tomter i Føsselie vert utført av PrivatMegleren på oppdrag frå Vang kommune.